Thursday, August 16, 2012

Maak and Danal, Baart and Fredny

Curioser and the saying goes:

1) Maak is on a paat a venegence. No let up for dat bai. Peter pay foh Paul and Paul pay all. Baart put Maak foh watch dem boys in Jale.

Fredny mek sure dat Maak stay in jale becas he rite up week pon top week bout Maak.

Suh now Maak staat up ah radio station pon d GT&Tnet. He maybe gat GTnT to sponsor it becas dat boi at GTnT use ta sponsa everybady, but sanita na deh pan da. She gun cut he off quik quik, afta all he ah blackman who bin ah jale, and sheh doan wan fa do nottin with jail peeple.

Suh, Maak deh pon it, nite an day. beatin up pon de pee-pee-pee.  An yuh know dat any place dat smell like truble, maak and freddy run deh fus. Maak staat fo get personal pon pee-pee-pee. He fogot dat Baart gaan an dat Danal is the new presidont. Dis presidont dont do nuttin widout Baart seh-so.

Wen Linden staat fi get trubel, guess who bin deh fuss fuss? Meh boi Maak and Meh boi Fredny. Po Maak, in he vendatta staat fo foget dat he can also do sum good in de worl.

Bai Maak, foget de politics....u mek a gud cut as a yung man....Widen yuh cumputa thing and go behin dat....giv up de hate Maak. Wedda yuh do wha yuh do or naat, Danal will continu put he foot in he mout. Cyant stap da.

2) Danal, pleese grow up and becom a maan. Yuh doan hav to do everitin dat Baart wan fi do. Stap bein a lil pee-pee-pee bay and grow yuh own weenie - and use it.

3) Fredny, boi, we sarry yuh get punch. We raaly sarry. But meh boi, lisen to dis ole man. Yuh nah wan jurnalist - yuh ah wan pollytican (not). Suh doan call we jurnalist fa help yuh....we cyant.

Meh guh taak to yall mo next time. Ee get late, me gat fa sleep.

No comments:

Post a Comment